Erstellt am Montag, 26. Juli 2004 11:42 Veröffentlicht am Montag, 26. Juli 2004 11:42 Zugriffe: 384
Düren. Das elfte Mundart-Festival der AG Schnüss steht vor der Tür. Am Sonntag, 5. September, werden zahlreiche Familien mit Kind und Kegel in den Stadtpark pilgern. Den ganzen Tag Musik, und das in Mundart.
Organisiert wird die Veranstaltung von Schweess Fööss-Sänger Addy Clemens. Der 52-Jährige ist im «normalen Leben» Lehrer an der Anne-Frank-Gesamtschule. Öm alt ens e bessje en Stemmong für Sondach zo komme, hätt oss Mitarbeiterin Ursula Weyermann met Addy Clemens ob Platt jekallt.
Hürt ens, wat es ejentlech dat Besondere an der Monkart?
Clemens: Dat es en eejene Sprooch. Ich denk, dat mir en Monkart mie usdröcke könne, als en Huudütsch. Dat es eenfach en ejene Kultur.
Dat Fästivel em Park jitt et alt lang. On emme komme esu vell Löck. Woröm?
Clemens: Dat hätt oss selvs övverasch, dat esu vell Löck jekomme sen. Von Juhr zo Juhr wudde et miee. Ich glövv, dat litt an der enzischartije Atmosphäre en dem schöne Park.
Dat ess jetz dat ierste Mol, dat och alt am Samsdach jespellt witt. Nomedachs jätt für de Möx, on ovends Musik von de Rolling Stones on däm Tina Turner. Sonndach jitt et dann Monkart. Pass dat dann zosamme?
Clemens: Et darf net zosamme passe! Mir mache dat, weil et mem Jeld emme enge witt. Da hamme övelaat, wemmer für de Bühn et janze Wocheenk zahle, wolle mer dat och notze. On hötte mehr für der Samstach och Monkart genomme, hötte mer os selvs Konkurrenz gemaat. Dat jeht net!
En üre AG Schnüss senn Bänds, die kritische Texte schrieve, on Löck, die Heidewitzka-Musik maache. Klapp dat?
Clemens: Dat deet et joot. Op esu nem Fästivel erwaade die Löck en bongte Palette, Rock, Blues on Stemmungsmusik. Alles es möchlech on dat fonktioniert.
Wie sett ihr zo de Musik jekomme?
Clemens: Dorch meng Bänd, de Schweesfööss. Datt wor domols en jecke Idee. Mer worre joot drop, on do hammer jesaat, jetz maache mer selvs Musik.
Schrievt ihr och Leede?
Clemens: Wenech. Dat määt der Helmut Geuenich, on der määt dat jood.
Jojo, Schnüss schwade. Woröm jitt et ejentlich die AG Schnüss?
Clemens: Die hammer jegründet met dem ierste Fästivel. Mer hann esu vell tolle Bänds en Düre. Eeemol em Juhr mösse mer zosamme spelle. Keene zänk der Angere odde nämp em die Wuursch vom Bruud.
E Leed von Brings hees «Superjeilezick». Watt wor für üch en super jeile Zeck?
Clemens: Besher emmer der ierste Sondach em September. He em Park. Et hätt nie esu jerännt, dat et objefalle wör. Petrus es eene von oss, der gehürt zo de AG Schnüss.
Komme och wedde Stars us Kölle, wie «Schmitz» odde «Brings»?
Clemens: Nee. Mer hodde met däm Piet Bauchwitz gesproche. Der hätt met de Höhner gespellt on hätt jetzt en nöje Bänd. Ävve die senge jetz huudütsch ou op Englisch. Dat pass eben net zu Monkart. Jetz nämme mer Mädche us Düre «Kess-Express», die könne och Platt senge. Mir wolle os dat Fästival doch net kapott maache. Dat es e Dürener Fästival, on dat soll et och blieve.
Ens jätt angeresch. Verstohn die Puute överhaup dat Dürener Platt?
Clemens: An meng Scholl hammer en Monkart-AG. Do komme Pänz, die praktisch en nöje Främpsproch lieere wolle. Am leevste hüre die natürlich Schempfwööde, wie «der häät ene Ratsch em Kappes».
geschrieben von Ursula Weyermann Quelle: Dürener Nachrichten